Danska félagið OB hefur ákveðið að gefa Ara Frey Skúlasyni frí í síðustu tveimur umferðunum í dönsku úrvalsdeildinni á fimmtudag og sunnudag.
OB siglir lygnan sjó í 7. sæti dönsku úrvalsdeildarinnar og félagið hefur ákveðið að leyfa Ara að fara í stutt frí fyrir EM.
OB greinir frá þessu á heimasíðu sinni í dag en fyrirsögnin á fréttinni er: Áfram Ísland.
Ari fær ekki langt sumarfrí eftir EM í Frakklandi þar sem nýtt tímabil í Danmörku hefst í júlí.
Ari á að koma til móts við íslenska landsliðið eftir helgi líkt og aðrir leikmenn sem spila með félögum á Norðurlöndunum.
Ísland mætir Noregi í vináttulandsleik á miðvikudaginn í næstu viku áður en liðið leikur við Liechtenstein á Laugardalsvelli þann 6. júní.
Athugasemdir