þri 24. maí 2016 06:00
Ívan Guðjón Baldursson
Sky: Mourinho vill ekki Giggs sem aðstoðarstjóra
Mynd: Getty Images
Sky Sports greinir frá því í bítið að samningsviðræður Jose Mourinho og Manchester United hefjist í dag.

Sky segir að Jose Mourinho sé ekki tilbúinn til starfa með Ryan Giggs sem aðstoðarknattspyrnustjóra, heldur vilji hann ráða sinn eigin mann í starfið, Portúgalann Rui Faria.

Rui Faria hefur fylgt Mourinho undanfarin 14 ár og var aðstoðarþjálfari hans hjá Chelsea, Inter og Real Madrid.

Mourinho vill þó halda Giggs innan félagsins ef Walesverjinn dyggi er reiðubúinn til að taka á sig stöðulækkun.









Athugasemdir
banner
banner