banner
   mið 24. maí 2017 22:12
Brynjar Ingi Erluson
Telegraph: Griezmann á leið til United
Antoine Griezmann í leik með Atlético Madrid
Antoine Griezmann í leik með Atlético Madrid
Mynd: Getty Images
Antoine Griezmann, leikmaður Atlético Madrid á Spáni, er á leið til Manchester United á Englandi. Það er Telegraph sem greinir frá þessu í kvöld.

Griezmann hefur verið einn besti leikmaður heims síðustu tvö tímabil en hann var lykilmaður í franska landsliðinu sem komst í úrslitaleikinn á EM síðasta sumar og þá kom hann Atlético í úrslitaleik Meistaradeildarinnar í fyrra.

Manchester United hefur verið á höttunum eftir honum upp á síðkastið og nú virðist liðið vera að ganga frá kaupum á honum en það er Telegraph sem greinir frá þessu.

United vann Evrópudeildina í kvöld eftir 2-0 sigur á Ajax og fer liðið því í Meistaradeild Evrópu á næstu leiktíð. Griezmann sagði fyrir skömmu að það væru ágætis líkur á að hann myndi fara frá Atlético og er United sagður næsti áfangastaður.

Blaðamaður Telegraph segir að félagaskipti hans til United séu yfirvofandi og koma til með að vera tilkynnt bráðlega.
Athugasemdir
banner
banner
banner
banner
banner