Zlatan Ibrahimovic, framherji Manchester United á Englandi, er mættur á Vina-velli í Stokkhólmi þar sem liðið mætir Ajax í úrslitaleik Evrópudeildarinnar, en Zlatan ætlar að vera áfram í Svíþjóð eftir að leiknum lýkur.
Zlatan, sem er 35 ára gamall, gerði 28 mörk í 46 leikjum fyrir United á tímabilinu áður en hann meiddist á hné gegn Anderlecht í átta liða úrslitum Evrópudeildarinnar.
Hann er nú að vinna í því að koma sér aftur á völlinn en hann verður í endurhæfingu næstu mánuði.
Hann er þó mættur til Stokkhólms þar sem hann horfir á United leika gegn Ajax í úrslitum Evrópudeildarinnar. Samkvæmt sænska blaðinu Expressen mun Zlatan halda kyrru í Svíþjóð og fljúga til Malmö.
Þar mun hann fara í endurhæfingu og njóta þess að vera heima hjá sér en hann er uppalinn í Malmö.
Zlatan verður samningslaus í sumar en hann gerði aðeins eins árs samning við United fyrir tímabilið.
Athugasemdir