„Það er alltaf mjög jákvætt að ná að skora tveggja stafa tölu í einni bestu deild Evrópu. Ég er mjög stoltur af því en þetta er líka 'hvað ef?' - Ég missti af tólf leikjum í hrinu og það er leiðinlegt að hugsa til þess að ég hefði verið númer tvö eða þrjú í röðinni, án þess að ég sé að fara fram úr mér," segir Alfreð.

Þýskir fjölmiðlar hafa verið að slúðra um að stærri félög hafi áhuga á Alfreð. Gæti hann farið annað í sumar?

„Það á bara eftir að koma í ljós. Það er ekkert fast í hendi. Eina sem er öruggt er að ég er með tveggja ára samning við Augsburg en á sama tíma er ég með opin augun ef eitthvað gott tilboð kemur. Ég er ekki að segja að ég vilji fara, ég er ánægður þarna. Á sama tíma er ég 29 ára og er að hugsa um eitt og annað."

„Það hefur gengið vel hjá Augsburg og ég finn fyrir því að ég er mikilvægur leikmaður þarna. Maður fer að meta það mikils á seinni árum. Það þyrfti að vera mjög gott boð í alla staði til að ég myndi fara," segir Alfreð.

Viðtalið má sjá í heild í sjónvarpinu hér að ofan en þar talar Alfreð meðal annars um landsliðið og ferð sína til Katara.