Í þessum skrifuðu orðum er að hefjast framlenging í viðureign Wolfsburg og Lyon í úrslitaleik Meistaradeildar kvenna. Staðan er markalaus en leikurinn fer fram í Kænugarði.
Á 57. mínútu þurfti Sara Björk Gunnarsdóttir landsliðskona að fara af velli vegna meiðsla. Það var enginn leikmaður nálægt henni þegar hún fór að stinga niður fæti og lá svo eftir á grasinu.
Á 57. mínútu þurfti Sara Björk Gunnarsdóttir landsliðskona að fara af velli vegna meiðsla. Það var enginn leikmaður nálægt henni þegar hún fór að stinga niður fæti og lá svo eftir á grasinu.
Hún þurfti aðstoð við að fara út af vellinum og virkaði þjáð en ekki er vitað hvort um tognun hafi verið að ræða eða alvarlegri meiðsli.
Ekki er langt í næsta landsleik en Sara er lykilmaður Íslands í baráttunni um að komast á HM í Frakklandi. Leikið verður gegn Slóveníu 11. júní á Laugardalsvelli. Freyr Alexandersson landsliðsþjálfari er meðal áhorfenda á leiknum í Kænugarði.
Fylgst er með gangi mála í úrslitaleik Wolfsburg og Lyon í úrslitaþjónustu á forsíðu en Lyon komst mun nær því að skora í hefðbundnum leiktíma. Þá er leikurinn sýndur beint á Stöð 2 Sport.
Ungir Blikar að horfa á fyrirmyndina sína @sarabjork18 spila úrslitaleik Meistaradeildar Evrópu! 💚💚💚#blikar #fotboltinet pic.twitter.com/FIqIFZLOCs
— Blikar.is (@blikar_is) May 24, 2018
Ég trúi þessu hreinlega ekki. Vonandi verður Sara fljót að ná sér. Nú er bara að vinna þennan bikar Wolfsburg! pic.twitter.com/zZStZ1dmYJ
— Þór Bæring Ólafsson (@thorbola) May 24, 2018
Uppfært 18:18:
Trosnuð hásin hjá Söru, ekki slitin. Fæ einhverjar frekari fréttir á eftir. Þvílíku nístandi vonbrigðin.
— Sindri Sverrisson (@sindrisverris) May 24, 2018
Athugasemdir