Guðrún Arnardóttir skoraði eina mark leiksins er Breiðablik lagði Þór/KA á Þórsvelli á Akureyri.

Guðrún skoraði furðulegt mark eftir hornspyrnu þar sem boltinn hafði viðkomu í maga hennar og þaðan fór hann í netið.

Þetta er fyrsta tap Akureyringanna á tímabilinu og eru Blikastúlkur nú í fjórða sæti deildarinnar, þremur stigum frá Þór/KA sem er í öðru sæti.

Heimamenn voru sterkari í leiknum en tókst ekki að gera góða hluti fyrir framan markið og sárt tap staðreynd.