ÍR er komið upp að hlið Aftureldingu á toppi 2. deildar karla eftir nokkuð þægilegan sigur á Ægi í kvöld.

Guðfinnur Þórir Ómarsson skoraði fyrsta mark leiksins og kom ÍR yfir um mibik fyrri hálfleiks. Staðan var 1-0 fyrir ÍR-inga í hálfleik.

Í seinni hálfleiknum skoraði Jón Gísli Ström sitt áttunda mark á tímabilinu og kom ÍR í 2-0.

Breiðholtsliðið fékk svo víti undir lokin, en úr því skoraði Sigurður Gísli Snorrason, 3-0 fyrir ÍR lokatölur í þessum leik.

ÍR er nú með 16 stig líkt og Afturelding á toppi 2. deildar karla, en Ægir er á meðan við botninn með tvö stig.

Markaskorarar af urslit.net