Sevilla er búið að festa kaup á hinum japanska Hiroshi Kiyotake.
Kiyotake kemur frá Hannover í Þýskalandi og gerir fjögurra ára samning við Sevilla.
Hann er framliggjandi miðjumaður, en hann skoraði 10 mörk í 55 leikjum yfir þau tvö tímabil sem hann spilaði hjá Hannover.
Hannover féll úr þýsku Bundesligunni á nýliðnu tímabili og Kiyotake ákvað því að róa á önnur mið.
Sevilla vann Evrópudeildina eftir sigur á Liverpool í úrslitaleik og mun því spila í Meistaradeildinni á næsta tímabili.
„Möguleikinn að spila í Meistaradeildinni gerði þessa ákvörðun auðvelda," sagði Kiyotake.
„Það eru tvö ár í HM og því þessi er tímasetning mjög góp upp á landsliðið að gera." Leikmaðurinn á 35 landsleiki fyrir Japan.
Athugasemdir