---

UEFA skoðar það nú hvort Paris Saint-Germain hafi framfylgt Financial Fair Play reglum þegar félagið fékk til sín Neymar og Kylian Mbappe síðasta sumar. Ef svo vill til að PSG þarf að losa sig við Mbappe þá er Manchester United tilbúið að berjast við Man City og Real Madrid um 19 ára sóknarmanninn. (Sunday Mirror)

Man Utd vill kaupa vinstri bakvörð og renna augu félagsins nú til Jose Luis Gaya (23), bakvarðar Valencia. Alex Sandro (27), bakvörður Juventus, er of dýr. (Sunday Mirror)

Miðjumaðurinn Jorginho (26) er með munnlegt samkomulag við Manchester City. Napoli og Man City eiga enn eftir að ná samkomulagi um kaupverð en það virðist vera að færast nær. (Manchester Evening News)

Marco Asensio (22) óttast framtíð sína hjá Real Madrid og Liverpool vill kaupa miðjumanninn. (Diario Gol)

Newcastle er ekki að flýta sér að selja sóknarmanninn Aleksandar Mitrovic (23) það er að segja ef Rafa Benitez vill enn selja hann. (Newcastle Chronicle)

Jean-Michel Aulas, forseti Lyon, hefur ekki útilokað að ræða aftur við Liverpool um Nabil Fekir (24) en viðræðum er lokið í bili. (Liverpool Echo)

Juventus skoðar nú að fá Diego Godín (32), miðvörð Atletico Madrid, og Matthijs de Ligt (18), miðvörð Ajax, þar sem Daniele Rugani (23), miðvörður Juventus, er á óskalista Chelsea. (Tutto Sport)

Marco Silva, stjóri Everton, vill fá Ruben Loftus-Cheek (22) frá Chelsea og Jack Wilshere (26) sem er að renna út á samning hjá Arsenal. (Sunday Mirror)

Juventus er í kapphlaupinu um Wilshere en auk Everton og Juve hafa Crystal Palace, West Ham og Úlfarnir áhuga á honum. (Sun on Sunday)

Inter er að reyna að fá brasilíska kantmanninn Malcom (21) á láni frá Bordeaux með möguleika á því að kaupa hann síðar. (Football Italia)

Aston Villa er að íhuga að fá Robert Huth (33), fyrrum varnarmann Leicester og Stoke, til þess að fylla í skarð John Terry. (Birmingham Mail)

Villa hefur ekki fengið formleg tilboð í miðjumanninn Jack Grealish (22), sem orðaður hefur verið við Tottenham og Liverpool. (Birmingham Mail)

Króatíski miðjumaðurinn Mateo Kovacic (24) vill yfirgefa Real Madrid og gæti farið í ensku úrvalsdeildina. (Marca)

Liverpool er tilbúið að berjast við Barcelona um Hirving Lozano (22), kantmann PSV Eindhoven í Hollandi. Framtíð hans verður ákveðin þegar hann hefur lokið þáttöku á HM með Mexíkó. (Star on Sunday)

Roberto Martinez, landsliðsþjálfari Belgíu, gæti hvílt marga leikmenn í lokaleik Belga í riðlakeppninni á HM, gegn Englandi. Belgía er svo gott sem komið áfram í 16-liða úrslit. (Sunday Telegraph)