banner
   sun 24. júní 2018 12:30
Arnar Daði Arnarsson
Kári: Rúrik fær líklega módelsamning eftir ferilinn
Icelandair
Kári Árna í leiknum gegn Nígeríu á föstudaginn.
Kári Árna í leiknum gegn Nígeríu á föstudaginn.
Mynd: Fótbolti.net - Hafliði Breiðfjörð
Á fréttamannafundi landsliðsins í morgun var Kári Árnason, varnarmaður íslenska landsliðsins spurður út í Rúrik Gíslason og Instagram síðu hans sem hefur vakið heimsathygli á meðan á Heimsmeistaramótið hefur farið fram.

Í gærkvöldi fékk Rúrik fylgjanda númer milljón á Instagram.

„Ég er mjög ánægður fyrir hans hönd. Þetta er allt til gamans gert. Hann er ekki að einbeita sér að þessu. Eftir fótboltaferilinn fær hann líklega módelsamning," sagði Kári sem var síðan í kjölfarið spurður út í Twitter-færslu sem hann birti af landsliðinu fyrir mótið þar sem hann merkti færsluna með kassamerkinu, #sexyRurik .

Hann var spurður að því hvort hann hafi séð það fyrir að Rúrik myndi vekja svona mikla athygli fyrir fegurð sína á mótinu.

„Það er ekkert að sjá fyrir að Rúrik sé sexy, það sjá það allir. Þetta var nú ekki kveikjan að neinu, þetta var gert í gríni og ekkert meira en það," sagði Kári en hægt er að sjá Twitter færsluna hér að neðan.




Athugasemdir
banner
banner
banner
banner