Tveimur leikjum er nú ný lokið í Pepsi-deild kvenna, Þór/KA og Breiðablik mættust á Akureyri en ÍBV og Grindavík í Eyjum.
Það var Sandra María Jessen sem sá til þess að Þór/KA tók stigin þrjú í dag en hún skoraði bæði mörk liðsins í 2-0 sigri. Fyrra markið skoraði hún í fyrri hálfleik eftir sendingu frá Huldu Ósk Jónsdóttur, hún bætti svo við öðru marki sínu undir lok leiksins en Sandra Mayor lagði upp markið.
Þór/KA er því komið á toppinn með 19 stig, Breiðablik er hins vegar í 3. sæti með 18 stig, jafnt Val að stigum sem er með betri markatölu í 2. sæti.
ÍBV og Grindavík mættust á Hásteinsvelli þar sem tvö mörk voru skoruð, loka niðurstaðan þar 1-1 jafntefli. Grindavík var með forystuna í hálfleik en Rio Hardy náði forystunni fyrir gestakonur á 25. mínútu. Caroline Van Slambrouck jafnaði svo metin í upphafi seinni hálfleiks.
ÍBV er í 5. sæti Pepsi-deildarinnar með átta stig en Grindavík hins vegar sæti neðar með sex stig.
Þór/KA 2 - 0 Breiðablik
1-0 Sandra María Jessen ('30 )
2-0 Sandra María Jessen ('84 )
ÍBV 1 - 1 Grindavík
0-1 Rio Hardy ('25 )
1-1 Caroline Van Slambrouck ('50 )
Athugasemdir