Bjarni Jóhannson
„Þetta var jafn leikur og hefði getað dottið hvorn veginn sem var. Það er alltaf grátlegt að fá mörk á sig seint í leik og tapa honum“. Sagði Bjarni Jóhannsson eftir 0-1 tap gegn Þrótti en gestirnir skoruðu markið á 90.mínútu.
Lestu um leikinn: KA 0 - 1 Þróttur R.
„Mér fannst við kannski örlítið meira með frumkvæðið. Þeir fengu reyndar ágætis færi í fyrri hálfleik og við stangarskot. Liðin voru nokkuð þétt, en í seinni hálfleik fannst mér á köflum við vera með yfirhöndina án þess að skapa neitt en það var sárt að tapa þessu.“
Aðspurður um dómgæsluna hafði Bjarni þetta að segja:„Þeir fengu take-a okkur út um allan völl í fyrri hálfeik og þess vegna endaði leikurinn í þessari hörku. Það var bara ekki tekið á málunum í fyrri hálfleik og þess vegna endaði hann í tómu bulli á köflum í seinni hálfleik“
„Í hvert einasta skipti við vorum líklegir til að fara framhjá manni á manni þá var togað í hann eða brotið á honum, en það var ekkert gert í því og þess vegna endaði þetta í tómri vitleysu í seinni hálfleik. Það hefðu alveg eins getað verið rauð spjöld á lofti.“
Nánar er rætt við Bjarna í sjónvarpinu hér fyrir ofan
Athugasemdir
