Frank Lampard er genginn í raðir hins nýstofnaða New York City FC sem mun leika í MLS-deildinni á næsta ári.
New York er í eigu Englandsmeistara Manchester City og er það á fullu að sanka að sér leikmönnum þessa stundina.
Félagið hefur meðal annars fengið spænska framherjann David Villa, en með komu Lampard eru fjórir leikmenn á skrá hjá félaginu,
Lampard er 36 ára gamall og kemur hann til New York á frjálsri sölu eftir að hafa farið frá Chelsea í sumar. Þar vann hann allt sem í boði var á 13 ára ferli og er hann lifandi goðsögn í augum stuðningsmanna félagsins.
„Chelsea á stað í mínu hjarta en New York er félag sem hentar mér fullkomlega á þessum tímapunkti," sagði Lampard eftir undirskriftina.
„Þetta er mjög spennandi verkefni, ég hef séð langtímamarkmið félagsins og ég vil taka þátt í því. Ég vil halda áfram að takast á við nýjar áskoranir. Þetta var rétti tíminn fyrir mig og Chelsea að ég myndi færa mig um set."
„Ég er komin í frábæra borg og ég vil sýna fólki að ég á enn nóg á tanknum."
Athugasemdir