Gunnar á 24 landsleiki að baki fyrir Ísland.
Framherjinn Gunnar Heiðar Þorvaldsson hefur skrifað undir samning við Häcken í Svíþjóð en frá þessu er greint á heimasíðu félagsins.
Fram kemur að vonast sé til að hann geti spilað gegn Djurgarden á mánudag en Häcken situr í þriðja sæti sænsku úrvalsdeildarinnar, sjö stigum frá toppliði Malmö eftir 15 umferðir.
Fram kemur að vonast sé til að hann geti spilað gegn Djurgarden á mánudag en Häcken situr í þriðja sæti sænsku úrvalsdeildarinnar, sjö stigum frá toppliði Malmö eftir 15 umferðir.
Gunnar er Eyjamaður sem lék síðast með Konyaspor í Tyrklandi en kemur til Häcken á frjálsri sölu. Hann skoraði eitt mark í þeim tólf leikjum sem hann spilaði í Tyrklandi.
Gunnar þekkir sænska boltann vel enda varð hann markakóngur með Halmstad tímabilið 2005 og lék með Norrköping 2011-2013.
Þá hefur hann leikið með ÍBV, Hannover, Vålerenga, Fredrikstad, Esbjerg og Reading.
„Mér líst geysilega vel á mig hjá Häcken og nú er ég loksins kominn í topplið. Mér hefur gengið vel sjálfum með liðum í Svíþjóð en ekki verið áður verið í liði í toppbaráttu," sagði Gunnar í samtali við Morgunblaðið.
Athugasemdir
