Blikar eru í öðru sæti Pepsi-deildarinnar eftir 2-0 útisigur gegn Víkingi Ólafsvík í kvöld. Arnar Grétarsson var mjög sáttur við sína menn.
Lestu um leikinn: Víkingur Ó. 0 - 2 Breiðablik
„Mér fannst við stjórna ferðinni. Það er líka mjög jákvætt að við fengum eiginlega engin færi á okkur og hefðum hæglega getað bætt við þriðja og fjórða markinu," segir Arnar.
Jonathan Glenn kom inn í leiknum og fékk tvö dauðafæri en hann hefur verið orðaður við önnur félög í glugganum.
„Mér fannst Jonathan Glenn koma mjög sterkur inn, það vantaði bara að nýta þessi færi. Það hefði verið gaman fyrir hann að setja hann."
Er Glenn á förum?
„Það verður að koma í ljós. Ég á síður von á því en það er ágætt að vera ekki með yfirlýsingar. Ég vona að ég haldi honum."
Viðtalið má sjá í sjónvarpinu hér að ofan.
Athugasemdir
