Skagamenn komust yfir með mögnuðu marki Garðars Gunnlaugssonar og var Bjarni ósáttur með varnarleik sinna manna þar.

„Maður er svekktur að hafa ekki fengið neitt út úr þessu. Fórum ágætlega inn í leikinn en fáum svo á okkur þetta stórglæsilega mark. Það verður ekkert tekið af Garðari en svona menn eiga ekkert að vera lausir þarna fyrir utan og við vorum búnir að leggja það upp svo það var mjög slæmt."

„Við erum ekkert stressaðir. Við höfum verið að spila á móti sterkari liðunum undanfarið. Við erum bara spakir og hugsum bara um næsta leik sem er undanúrslit í bikar," segir Bjarni.

Nánar er rætt við Bjarna í spilaranum hér að ofan.