mán 24. júlí 2017 10:00
Magnús Már Einarsson
Pique á Instagram: Neymar verður áfram
Mynd: Getty Images
Mikið hefur verið rætt og ritað um framtíð Neymar hjá Barcelona undanfarna daga.

Sky sagði á laugardag að 90% líkur væru á að Neymar myndi fara frá Barcelona í sumar en orðrómur hefur verið um að PSG vilji kaupa hann á 199 milljónir punda sem er langhæsta upphæð sögunnar.

Gerard Pique, varnarmaður Barcelona, birti áhugaverða færslu á Instagram í gærkvöldi en þar var hann með mynd af sér og Neymar.

Við myndina skrifaði Pique: „Se queda" sem þýðir „hann verður áfram."

Hvort þetta sé rétt hjá Pique verður síðan að koma í ljós en Neymar hefur sjálfur ekki staðfest neitt ennþá.

Se queda.

A post shared by Gerard Piqué (@3gerardpique) on


Athugasemdir
banner
banner