lau 24. júlí 2021 22:48
Victor Pálsson
Jóhann Helgi gifti sig í takkaskóm
Lengjudeildin
Mynd: Fótbolti.net - Hafliði Breiðfjörð
Jóhann Helgi Hannesson, leikmaður Þórs, komst á blað í gær er liðið vann Gróttu með fjórum mörkum gegn tveimur í Lengjudeildinni.

Jóhann hefur verið iðinn við kolann undanfarið og hefur skorað í síðustu þremur leikjum Þórs.

Þórsarar hafa verið á góðu flugi undanfarið og eru taplausir í sjö leikjum en þar inni eru nokkur jafntefli.

Liðið situr í sjötta sæti Lengjudeildarinnar og er töluvert frá toppliði Fram en þar munar 13 stigum.

Jóhann gekk í það heilaga í dag stuttu eftir leikinn við Gróttu og vekur athygli að hann mætti í athöfnina í takkaskóm.

„Jóhann Helgi reimaði á sig skrúfutakkana í hádeginu i gær. Setti eitt á móti Gróttu og setti svo þrennu í Akureyrarkirkju i dag," skrifar Óðinn Svan Óðinsson á Twitter og birti um leið mynd af Jóhanni.

Þetta skemmtilega atvik má sjá hér fyrir neðan.


Athugasemdir
banner
banner