Einn leikur var í B-riðli, 4. deildar í kvöld.

GG fékk þá Skallagrím í heimsókn og úr varð hörkuleikur.

Viktor Ingi Jakobsson skoraði fyrsta mark leiksins eftir 32 mínútur og kom gestunum úr Skallagrím yfir.

Jóhann Helgason jafnaði hins vegar leikinn fyrir GG undir lok fyrri hálfleiks og þar við sat.

Skallagrímur er í 3. sæti deildarinnar með 23 stig á meðan GG er í sæti fyrir neðan með 16 stig.