„Þetta var töff leikur, bæði lið að berjast náttúrulega fyrir veru sinni í deildinni, ekkert rosalega flottur fótbolti en læti og barátta og já, bara töff leikur," sagði Kristinn Guðbrandsson þjálfari ÍA í Pepsi deild kvenna í viðtali við Fótbolta.net eftir 0-1 tap á heimavelli gegn Fylki.
Lestu um leikinn: ÍA 0 - 1 Fylkir
ÍA eru nú tveimur stigum á eftir öruggu sæti í deildinni, Kristinn telur möguleikann enn góðan.
„Stelpurnar verða bara að trúa því að það sé möguleiki, þær eru búnar að fá líflínu og það er bara eins gott að grípa hana föstum tökum og klára dæmið," sagði Kristinn að lokum.
Athugasemdir