Sam Tillen, fyrirliði Fram, meiddist illa í 1-0 sigri liðsins á Keflavík í Inkasso-deildinni á laugardag.
Sam var borinn meiddur af velli undir lok leiks en hann kinnbeinsbrotnaði.
Sam var borinn meiddur af velli undir lok leiks en hann kinnbeinsbrotnaði.
„Hann hefur nú gengist undir aðgerð þar sem kinnbein var illa brotið í andliti. Í aðgerðinni var kinnbeinið skorðað af og fest með 3 málmplötum," segir á heimasíðu Fram.
„Að sögn lækna heppnaðist aðgerðin vel. Stjórn knattspyrnudeildar Fram óskar Sam góðs bata og skjótrar heilsu."
Sam Tillen hefur spilað 15 leiki í Inkasso-deildinni í sumar en hann kom til félagsins á láni frá FH í vor.
Sam hóf feril sinn á Íslandi með Fram en hann lék áður með liðinu frá 2008 til 2012.
Athugasemdir