Arsenal fór illa með Chelsea á Emirates vellinum í London í dag, í stórleik umferðarinnar í ensku úrvalsdeildinni.

Alexis Sanchez kom Arsenal á bragðið í fyrri hálfleik eftir slæm mistök hjá Gary Cahill í vörn Chelsea áður en Theo Walcott tvöfaldaði forskotið skömmu síðar eftir glæsilega sókn.

Mesut Özil kláraði svo dæmið á 40. mínútu eftir samleik við Sanchez. Ekkert mark kom í seinni hálfelik og var 3-0 sigur því staðreynd.

Arsenal skellti sér í 3. sæti með sigrinum en Chelsea er búið að tapa tveim leikjum í röð og eru í 8. sæti.