Verona lenti í þriðja sæti í ítölsku úrvalsdeildinni á síðasta tímabili og ætlar sé stóra hluti í vetur með Berglindi innanborðs.

Reikna má með að Berglind verði lögleg með liðinu í byrjun október en hún snýr síðan aftur til Breiðabliks í maí á næsta ári.

„Við óskum Berglindi velfarnaðar á Ítalíu í vetur," segir í yfirlýsingunni sem Blikar sendu frá sér.

Berglind hefur verið gríðarlega öflug í sumar og hefur skorað 15 mörk í 17 leikjum í Pepsi-deild kvenna í sumar. Hún og hennar liðsfélagar í Breiðabliki eiga enn möguleika á Íslandsmeistaratitlinum, en þær eru tveimur stigum frá Þór/KA fyrir lokaumferðina.