„Við vorum að koma á erfiðan útivöll og við þurftum að vera beinskeyttir," sagði Sigurbjörn Hreiðarsson, aðstoðarþjálfari Vals, eftir 2-1 útisigur á Stjörnunni í dag.
Lestu um leikinn: Stjarnan 1 - 2 Valur
Valur tryggði sér Íslandsmeistaratitilinn um síðustu helgi en liðið landaði öflugum sigri í dag þrátt fyrir að titillinn sé í höfn.
„Það er hungur í liðinu. Þú ert að sýna sjálfan þig í hverjum einasta leik og menn í hópnum eru ekki að velja sér verkefni. Menn taka á því þegar við förum inn á völlinn í Valsbúningum. Til að viðhalda árangri þá þurfa menn að gera það alltaf."
Patrcik Pedersen hefur lítið verið með Val að undanförnu og hann var ónotaður varamaður í dag.
„Við vonumst til aðhann verði klár í næsta leik. Hann hefur verið með kálfa vandræði og við höfum ekki hætt á að spila honum. Við sjáum hvað setur," sagði Sigurbjörn en Valur mætir Víkingi R. í lokaumferðinni um næstu helgi.
Hér að ofan má sjá viðtalið í heild sinni.
Athugasemdir
