Eina leik dagsins í ensku úrvalsdeildinni er lokið.

Nýliðarnir Brighton og Newcastle, sem lentu í efstu tveimur sætum Championship-deildarinnar á síðasta tímabili, mættust.

Newcastle hafði unnið þrjá leiki í röð fyrir þennan leik og þeir voru klárlega líklegra liðið. En það er ekki spurt um það.

Það var aðeins eitt mark skorað og það gerði Tomer Hemed fyrir Brighton þegar lítið var búið af seinni hálfleiknum.

Brighton er núna með sjö stig um miðja deild, en þetta var þeirra annar sigur í ensku úrvalsdeildinni. Newcastle-menn voru slegnir aftur niður á jörðina, þeir eru búnir að safna níu stigum.