Þetta var fallegur dagur í Barcelona, það er að segja áður en árásin var framin, en Rakitic hafði planað það að fara með fjölskyldu sinni í miðbæinn. Sem betur fer ákvað eiginkona hans hins vegar að fara fyrst með börnin í garðinn svo þau gætu leikið sér.

„Ég var mjög nálægt þegar hryðjuverkaárásin átti sér stað," sagði Rakitic við Goal.com.

„Ég fór í bæinn með fjölskyldu minni og við ætluðum að fara á staðinn þar sem árásin var framin. Ég vildi fara þangað en eiginkona mín sagði við mig að þetta væri fallegur dagur og við ættum að leyfa börnunum að leika sér í garðinum."

„Sem betur fer hlustaði ég á hana."

„Við vorum þremur eða fjórum mínútum frá því að fara þangað.
Síðan fór ég að fá símtöl frá vinum og fjölskyldu sem vildu vita hvort það væri allt í lagi með okkur."