fös 24. október 2014 21:30
Alexander Freyr Tamimi
Aston Villa getur keypt Cleverley í janúar
Tom Cleverley.
Tom Cleverley.
Mynd: Getty Images
Paul Lambert, stjóri Aston Villa, hefur greint frá því að félagið geti keypt miðjumanninn Tom Cleverley frá Manchester United í janúar.

Cleverley er á láni frá United og hefur staðið sig vel með liðinu eftir að hafa valdið vonbrigðum á Old Trafford undanfarin tímabil.

Lambert hefur nú staðfest að klásúla geri Aston Villa kleift að kaupa leikmanninn í janúar, en hann verður að vísu samningslaus eftir tímabilið.

,,Við höfum kauprétt á Tom. Við höfum ekki farið í smáatriðin en hann hefur spilað vel," sagði Lambert í dag.

,,Hann var sá eini sem gaf sig allan í leikinn síðasta laugardag (3-0 tap gegn Everton). Hann hefur svo margt fram að færa. Hann er góður náungi, góður atvinnumaður og gerir allt af krafti, meira að segja á æfingum."

,,Hvað sem gerist í janúar mun gerast, rétturinn er til staðar en það eru enn nokkrir mánuðir í þetta. Ég vil bara að hann spili vel hérna og njóti sín, sem hann er að gera."

Athugasemdir
banner
banner
banner