,,Mér líst mjög vel á FH. Þetta er heillandi klúbbur," sagði Finnur Orri við Fótbolta.net fyrr í dag.

,,Ég held að það hafi allir gott af því að breyta um umhverfi öðru hvoru. Ég er búinn að vera lengi hjá Breiðabliki og þeir hafa gert allt fyrir mig. Stundum þarf maður nýtt umhverfi og ég held að þetta gæti verið gott skref fyrir alla."

Finnur Orri er 23 ára gamall varnar og miðjumaður en hann var fyrirliði Blika á nýliðnu tímabili.

Finnur hefur leikið með Blikum allan sinn feril en hann á að baki 163 meistaraflokksleiki.