David Moyes, stjóri Sunderland, hefur ekki átt sjö dagana sæla á þessu tímabili en liðið er ennþá án sigurs í ensku úrvalsdeildinni eftir níu umferðir.
Sunderland er einungis með tvö stig á botninum og farinn er af stað orðrómur um að Sam Allardyce sé líklegur til að taka við liðinu á nýjan leik.
Sunderland er einungis með tvö stig á botninum og farinn er af stað orðrómur um að Sam Allardyce sé líklegur til að taka við liðinu á nýjan leik.
Til að bæta gráu ofan á svart fyrir Moyes þá gæti hann átt yfir höfði sér ákæru eftir 1-0 tapið gegn West Ham um helgina.
Moyes hellti sér yfir Bobby Madley dómara í leikmannagöngunum eftir leik og hann gæti fengið ákæru og leikbann í kjölfarið.
Moyes var ósáttur þar sem hann taldi að leikmenn West Ham hefðu verið rangstæðir þegar Winston Reid skoraði sigurmarkið undir lokin.
Athugasemdir