Guðmunda Brynja ásamt Einari Páli Tamimi eftir undirskriftina á Litlu kaffistofunni.
Framherjinn Guðmunda Brynja Óladóttir er gengin í raðir Íslandsmeistara Stjörnunnar frá Selfossi.
Ljóst var eftir að tímabilinu lauk að Selfoss var fallið í 1. deildina og því mátti búast við að Guðmunda Brynja yrði einn stærsti bitinn á leikmannamarkaðnum. Stjarnan hefur nú unnið þá baráttu.
Hún skrifaði undir þriggja ára samning við Íslandsmeistarana en félagið og hún mættust á miðri leið og skrifað var var undir pappírana á Litlu kaffistofunni.
Stjarnan hefur einnig staðfest að Sigrún Ella Einarsdóttir hefur skrifað undir nýjan þriggja ára samning við félagið. Hún sneri til baka eftir erfið meiðsli í sumar og skoraði eitt mark í sjö leikjum.
Guðmunda Brynja er 22 ára gömul og hefur allan sinn feril spilað með uppeldisfélagi sínu, Selfossi.
Hún hóf meistaraflokksferil sinn árið 2009 og hefur síðan þá spilað 131 leik fyrir Selfoss í deild og bikar og skorað í þeim 82 mörk. Hún missti mikið úr í sumar vegna meiðsla. Hún á að baki 11 landsleiki fyrir Ísland og hefur skorað eitt landsliðsmark.
Sigrún Ella handsalar sinn þriggja ára samning.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
