La Liga, spænska úrvalsdeildin, er sú deild sem flestir leikmenn sem tilnefndir voru til gullknattarins spila með.
Alls eru 13 sem spila á Spáni sem voru tilnefndir en átta leikmenn úr ensku úrvalsdeildinni fengu tilnefningu. Fimm spila í Þýskalandi, þrír á Ítalíu og einn í Portúgal.
Lionel Messi, Cristiano Ronaldo, Neymar, Luis Suarez, Gareth Bale, Antoine Griezmann, Diego Godin, Andres Iniesta, Koke, Toni Kroos, Luka Modric, Pepe og Sergio Ramos eru þeir leikmenn sem spila á Spáni og fengu tilefningu.
Jamie Vardy er eini Englendingurinn sem var tilnefndur en hann er sá fyrsti síðan Wayne Rooney fékk sömu viðurkenningu árið 2012. Aðrir í ensku úrvalsdeildinni sem fengu tilnefningu eru; Hugo Lloris, Dimitri Payet, Paul Pogba, Sergio Aguero, Kevin De Bruyne, Zlatan Ibrahimovic og liðsfélagi Vardy hjá Leicester, Riyad Mahrez
Athugasemdir