Jack Rodwell hefur ekki átt góðu gengi að fagna síðan hann kom til Sunderland frá Manchester City sumarið 2014.
Rodwell hefur síðan þá spilað 32 leiki í byrjunarliði Sunderland en liðið hefur ekki unnið neinn af þeim!
15 af þessum leikjum hafa endað með jafntefli og 17 sinnum hefur Sunderland tapað.
Sunderland hefur ekki unnið í fyrstu níu umferðunum á þessu tímabili en Rodwell hefur byrjað í sex af þessum leikjum.
Hinn 25 ára gamli Rodwell þótti mikið efni þegar Manchester City keypti hann frá Everton árið 2012 en síðan hefur ferillinn legið niður á við.
Athugasemdir