,,Ég er búinn að bíða eftir þessu í tvö ár," sagði Gary Martin framherji KR léttur í bragði þegar hann tók við gullskó adidas í dag fyrir að vera markahæsti leikmaður Pepsi-deildarinnar í sumar.
Gary skoraði þrettán mörk í sumar en hann tryggði sér gullskóinn með þrennu gegn Þór í lokaumferðinni. Mörkin þar eru þó ekki í mestu uppáhaldi.
,,Markið gegn FH stendur upp úr. Það kom í veg fyrir að þeir myndu vinna deildina. Ef ég hefði ekki skorað þá hefði leikurinn í lokaumferðinni hjá FH ekki verið jafn stór."
Gary skoraði þrettán mörk í sumar en hann tryggði sér gullskóinn með þrennu gegn Þór í lokaumferðinni. Mörkin þar eru þó ekki í mestu uppáhaldi.
,,Markið gegn FH stendur upp úr. Það kom í veg fyrir að þeir myndu vinna deildina. Ef ég hefði ekki skorað þá hefði leikurinn í lokaumferðinni hjá FH ekki verið jafn stór."
Gary á ár eftir af samningi sínum við KR en erlend félög hafa sýnt honum áhuga að undanförnu.
,,Ég þarf að ræða við KR og sjá hvað gerist á næstu vikum. Ég veit af áhuga erlendis en þangað til kemur formlegt tilboð þá veit ég ekkert. Ég æfi með KR og legg hart að mér. Þetta breytist fljótt. Ég er leikmaður KR í augnablikinu en maður veit ekki."
Í fyrra endaði Gary sem næstmarkahæsti leikmaðurinn í Pepsi-deildinni og þá fékk hann silfurskóinn. ,,Ég reyni að fá bronsskó næst, þá ég safn af skóm," sagði Gary léttur í bragði.
Hér að ofan má sjá viðtalið í heild sinni.
Athugasemdir