Hilmar Trausti Arnarsson, fyrirliði Hauka í sumar, er í viðræðum við KA en hann æfði með liðinu á Akureyri um helgina.
,,Ég heyrði í þeim fyrir 2 vikum og hitti Bjarna (Jóhannsson) í framhaldinu," sagði Hilmar við Fótbolta.net í dag.
,,Ég flaug svo norður um helgina og tók eina æfingu, skoðaði aðstæður og heyrði í mönnum."
,,Ég reikna svo með því að heyra frá þeim í vikunni og þetta ætti að koma í ljós á næstu dögum."
Hilmar Trausti er 28 ára gamall vinstri bakvörður og miðjumaður en hann hefur leikið alla tíð með Haukum fyrir utan 2007 þegar hann var hjá Leikni.
Athugasemdir