,,Það er alltaf kostur númer eitt ef það verður í boði," sagði Jóhann Helgi við Fótbolta.net um möguleikana á að ganga í raðir FH.

Jóhann Helgi var á dögunum á reynsu hjá Florø Sk í þriðju efstu deild í Noregi en hann gæti fengið samningstilboð þar.

,,Það gekk vel þar. Þetta er svipaður styrkleiki og hjá Þór og ég vil ekki fara út til að vera í sama pakka. Ég vil vera í sterkari deild og Pepsi-deildin er líklegri af því að hún er sterkari," sagði Jóhann Helgi.

Hinn 24 ára gamli Jóhann Helgi hefur leikið með Þór alla sína tíð en hann skoraði sjö mörk í Pepsi-deildinni í sumar.

Orðrómur hefur verið um að Sigurður Marinó Kristjánsson muni einnig æfa með FH-ingum á næstunni en hann er líklega á förum frá Þór.