Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mán 24. nóvember 2014 11:08
Magnús Már Einarsson
Pálmi Rafn: KA inni í myndinni
Pálmi Rafn Pálmason.
Pálmi Rafn Pálmason.
Mynd: Fótbolti.net - Andri Janusson
Pálmi Rafn Pálmason er á förum frá Lilleström en samningur hans við félagið er að renna út.

,,Ég verð ekki áfram þar og meira veit ég ekki í bili. Ég ætla að skoða stöðuna og sjá hvað er í boði," sagði Pálmi við Fótbolta.net í dag.

Möguleiki er á að hinn þrítugi Pálmi spili á Íslandi næsta sumar.

,,Það eru líkur á því að ég komi heim. Ef það býðst ekkert spennandi úti þá komum við heim. Það er allt opið hjá okkur. Þetta snýst um það hvað passar best fyrir fjölskylduna og hvar okkur á eftir að líða best."

,,Það væri fínt fyrir fjölskylduna að vita eftir mánuð hvar við munum búa. Það fer að líða að því að maður taki ákvörðun."


KA hefur mikinn áhuga á að fá Pálma í sínar raðir en hann lék með liðinu frá 2003 til 2005.

,,Ég er búin að heyra í KA mönnum og ég er alls ekki búinn að útiloka að fara þangað. Það er inni í myndinni eins og annað," sagði Pálmi.

Fleiri félög hafa sýnt Pálma áhuga en hann hefur meðal annars verið orðaður við Val og KR.
Athugasemdir
banner
banner