þri 24. nóvember 2015 18:10
Magnús Már Einarsson
Mignolet ánægður með faðmlögin hjá Klopp
Simon Mignolet og Jurgen Klopp.
Simon Mignolet og Jurgen Klopp.
Mynd: Getty Images
Simon Mignolet, markvörður Liverpool, er hæstánægður með stuðninginn sem leikmenn fá hjá knattspyrnustjóranum Jurgen Klopp.

Klopp er duglegur að mæta inn á völl eftir leiki og faðma sína menn en hann gerði það meðal annars eftir 4-1 sigurinn á Manchester City um helgina.

„Hann faðmaði alla leikmennina og það hefur góða tilfinningu því að það þýðir að hann stendur við bakið á þér og styður þig," sagði Mignolet.

„Það er það sem þú þarft sem leikmaður. Traust frá stjóranum og starfsfólkinu. Þú verður að vita að þeir standa við bakið á þér og eru að vinna í sömu átt."
Athugasemdir
banner
banner
banner
banner