Heimild: BBC
Mauricio Pochettino, knattspyrnustjóri Tottenham, er ósáttur með að félagið þurfi að spila tvo leiki á fjórum dögum.
Fyrst á liðið útileik gegn Qarabag á fimmtudaginn og svo gegn Englandsmeisturum Chelsea á sunnudaginn.
Fyrst á liðið útileik gegn Qarabag á fimmtudaginn og svo gegn Englandsmeisturum Chelsea á sunnudaginn.
Það tekur sex tíma fyrir liðið að fljúga heim frá Aserbaídsjan, þar sem leikurinn gegn Qarabag verður spilaður, og þá er lítil hvíld eftir fyrir sunnudagsleikinn sem hefst í hádeginu.
„Ég hlæ bara að þessu. Þetta er eins og vikan sem við spiluðum á mánudegi, fimmtudegi og sunnudegi," sagði Pochettino, en Tottenham spilaði þrjá leiki á sex dögum í upphafi mánaðarins.
„Kannski er þetta verra núna því það er sex tíma flug og svo á eftir að taka ákvörðun um hvort flogið sé til baka beint eftir leik eða næsta morgun.
„Þetta er erfið staða vegna þess að báðir möguleikarnir eru slæmir."
Athugasemdir
