Swansea fékk Crystal Palace í heimsókn í gær þar sem niðurstaðan var 1-1 jafntefli, Luka Milivojevic kom gestunum yfir á 60. mínútu leiksins en Jordan Ayew jafnaði metin fyrir heimamenn þegar rúmar tíu mínútur voru eftir af venjulegum leiktíma.

„Það allra miklvægasta var að við töpuðum ekki," var það fyrsta sem Ayew hafði að segja í viðtali eftir leikinn.

„Við vildum stigin þrjú en við fengum stig og við munum halda áfram að berjast fyrir fleiri stigum."

„Maður vill alltaf gera eins og vel og maður getur fyrir liðið sitt. Í dag gerði ég það en þetta hefur engu að síður verið erfið vika. Stjórinn okkar var rekinn en við kunnum virkilega vel við hann og við óskum honum alls hins besta," sagði Jordan Ayew en eins og hann kemur inn á þá var knattspyrnustjórinn þeirra, Paul Clement rekinn í vikunni.