Jose Mourinho þjálfari Manchester United segir að lið sitt hafi spilað barnalega í 2-2 jafntefli gegn Leicester í gær.
Jamie Vardy kom Leicester yfir í leiknum en tvö mörk frá Juan Mata virtust ætla að tryggja United sigur í leiknum þar til Harry Maguire jafnaði metinn á lokasekúndunum.
United menn fengu fullt af færum til að ganga frá leiknum en tókst ekki að nýta sér þau.
Jamie Vardy kom Leicester yfir í leiknum en tvö mörk frá Juan Mata virtust ætla að tryggja United sigur í leiknum þar til Harry Maguire jafnaði metinn á lokasekúndunum.
United menn fengu fullt af færum til að ganga frá leiknum en tókst ekki að nýta sér þau.
„Ég veit ekki hvernig við unnum ekki." sagði Mourinho í viðtali eftir leik.
„Við klúðruðum mörgum dauðafærum, færi sem voru brandarar, og svo í lokin gerum við varnarmistök. Þetta var samansafn mistaka í leik sem við áttum að vinna auðveldlega."
„Við vorum barnalegir í sókn og við vorum barnalegir í vörn. Við töpuðum tveimur stigum."
Manchester United er nú 13 stigum frá nágrönnum sínum í Manchester City á toppi deildarinnar. Þetta hefur ekki verið frábær vika fyrir lærisveina Mourinho en jafnteflið gegn Leicester kom einungis þremur dögum eftir að þeir duttu úr Carabao bikarnum fyrir Bristol City.
Athugasemdir
