Claude Puel knattspyrnustjóri Leicester City mætti sáttur í viðtal eftir jafntefli sinna manna í gær við Manchester United.
Harry Maguire jafnaði á síðustu stundu fyrir Leicester og því stigið einstaklega sætt fyrir þá.
Puel ræddi jöfnunarmark Maguire við fréttamann í gærkvöldi.
„Ég held að hann hafi einnig getað skorað í fyrri hálfleik. Við fengum góð færi, þetta var góður leikur gegn góðu liði."
„Ég tel að þetta muni gefa okkur meira sjálfstraust fyrir jólatörnina," en Leicester mætir næst Watford á útivelli á öðrum degi jóla.
Puel endaði svo viðtalið með því að þakka stuðningsmönnum Leicester fyrir stuðninginn.
„Stuðningsmennirnir gáfu okkur auka kraft svo ég vona að þeir muni eiga yndisleg jól."
Athugasemdir