„Úrslitin tala sínu máli, 16 sigrar í röð er enginn venjulegur árangur, þetta er sögulegur árangur. Enska úrvalsdeildin er mjög jöfn og erfið deild og að vinna alla þessa leiki er mjög erfitt."

„En þrátt fyrir það hafa þeir ekki búið til mjög stórt bil á milli sín og United, við erum að horfa upp á óvenjulegt tímabil," sagði hinn 36 ára gamli Roque Santa Cruz.

„En við skulum bíða og sjá hvernig staðan verður þegar desember er á enda, þetta er mánuður sem getur gefið góða sýn á það hvernig þetta muni enda í vor."

Santa Cruz leikur í dag í heimalandi sínu með Olimpia, en hann lék með Bayern Munchen og Blackburn áður en hann fór til Manchester City árið 2009.

Tekið skal fram að viðtalið er tekið fyrir leik Manchester City í gær því sigrarnir eru núna orðnir 17 í röð.