Morrison hefur verið duglegur að koma sér í fréttirnar fyrir eitthvað allt annað en fótbolta en hann þótti á sínum tíma einn allra efnilegasti leikmaður Englands.

Sir Alex Ferguson gaf Morrison tækifæri með aðalliði Man Utd þegar leikmaðurinn var aðeins 17 ára gamall en tveim árum seinna var honum sparkað frá Old Trafford eftir sífelld vandræði utan vallar.

Hann hefur aldrei náð að festa sig í sessi hjá West Ham og verið lánaður til ýmissa liða í Championship deildinni. Þrátt fyrir það voru mörg lið áhugasöm um að fá hann til liðs við sig en hann hefur nú ákveðið að fara til Lazio og mun færa sig um set til Ítalíu næsta sumar.