Gylfi Þór Sigurðsson var rændur vítaspyrnu í 3-1 tapi Swansea gegn Chelsea í dag.

Í stöðunni 1-1 var Gylfi að reyna að leika á Cesar Azpilicueta þegar spænski varnarmaðurinn fékk boltann greinilega í hendina. Neil Swarbrick, dómari leiksins, dæmdi hins vegar ekkert.

„Þetta var stórt augnablik í leiknum. Mér fannst Cesar Azpilicueta taka hann með hendi í 1-1. Þetta er klár hendi," sagði Paul Clement, stjóri Swansea eftir leik.

„Þarna fengum við séns á að komast í 2-1 en þremur mínútum síðar erum við 2-1 undir eftir ódýrt mark."