Wijnaldum segir Kante hafa verið eina helstu ástæðuna fyrir velgengni Leicester í fyrra.
Georginio Wijnaldum, miðjumaður Liverpool, telur að sala Leicester á N'Golo Kante til Chelsea sé meginástæða dapurs gengis Englandsmeistaranna á tímabilinu. Liverpool heimsækir Leicester á mánudagskvöld í ensku úrvalsdeildinni.
Kante var alger lykilmaður í ótrúlegu ævintýri Leicester á síðustu leiktíð en hann yfirgaf félagið fyrir Chelsea í kjölfarið, þar sem hann hefur verið lykilmaður og hjálpað liðinu að ná góðri forystu á toppnum.
Kante var alger lykilmaður í ótrúlegu ævintýri Leicester á síðustu leiktíð en hann yfirgaf félagið fyrir Chelsea í kjölfarið, þar sem hann hefur verið lykilmaður og hjálpað liðinu að ná góðri forystu á toppnum.
„Auðvitað hafa þeir átt erfitt uppdráttar á þessu tímabili, þeir eru ekki að standa sig vel miðað við síðasta tímabil. En ég held að þeir séu ennþá gott lið, næstum allir leikmennirnir voru áfram," sagði Wijnaldum í viðtali við Sky Sports.
„Kante er mikill missir fyrir þá, því hann var gríðarlega mikilvægur á miðjunni. Hann hélt þessu öllu saman og var ein aðalástæðan fyrir því að þeir urðu meistarar. Vegna þess að hann fór hefur allt orðið mun erfiðara fyrir alla hina í liðinu."
Athugasemdir
