Það voru tveir leikir spilaðir í þýska boltanum í dag. Bayer Leverkusen fékk Schalke í heimsókn í fyrri leik dagsins.
Liðin eru í harðri meistaradeildarbaráttu og skilja aðeins tvö stig liðin að eftir sigur Schalke.
Liðin eru í harðri meistaradeildarbaráttu og skilja aðeins tvö stig liðin að eftir sigur Schalke.
Guido Burgstaller kom gestunum yfir snemma leiks og misstu heimamenn svo miðjumanninn Dominik Kohr af velli þegar hann fékk sitt annað gula spjald á 38. mínútu.
Tíu leikmenn Leverkusen voru öflugir og komust nálægt því að jafna en Nabil Bentaleb, fyrrverandi leikmaður Tottenham, innsiglaði sigur Schalke undir lokin með marki úr vítaspyrnu.
RB Leipzig tapaði þá sínum þriðja heimaleik í röð þegar botnlið Kölnar kom í heimsókn.
Jafnræði ríkti með liðunum og nýttu gestirnir færin sín einfaldlega betur eftir að heimamenn höfðu komist yfir snemma leiks.
Köln er átta stigum frá öruggu sæti eftir sigurinn. Leipzig er einu stigi frá meistaradeildarsæti.
Leverkusen 0 - 2 Schalke
0-1 Guido Burgstaller ('11)
0-2 Nabil Bentaleb ('89, víti)
Rautt spjald: Dominik Kohr, Leverkusen ('38)
Leipzig 1 - 2 Köln
1-0 Jean-Kevin Augustin ('5)
1-1 Vincent Koziello ('70)
1-2 Leonardo Bittencourt ('77)
Athugasemdir
