Heimild: Þór
Birkir Heimisson, 15 ára miðjumaður Þórs á Akureyri, hélt nýverið til Englands til æfinga hjá enska B-deildarliðinu Reading.
Á heimasíðu Þórs segir að forsvarsmenn Reading hafi sett sig í samband við félagið á dögunum og óskað eftir að fá Birki á reynslu í um vikutíma.
Birkir hefur æft með unglingaliði Reading undanfarna daga og spilaði meðal annars æfingaleik með U-18 ára liðinu á miðvikudag og stóð sig með prýði.
Nokkrir Íslendingar hafa leikið með Reading í gegnum tíðina, þar á meðal Gylfi Sigurðsson sem hóf atvinnumannaferil sinn hjá félaginu.
Athugasemdir