FH ætlar að fá sóknarmann í sínar raðir áður en félagaskiptaglugginn lokar þann 15. maí næstkomandi.
„Þetta gerist ekki fyrir fyrsta leik en vonandi áður en glugginn lokar," sagði Heimir Guðjónsson þjálfari FH við Fótbolta.net í dag.
FH mætir Þrótti í 1. umferð Pepsi-deildarinnar á sunnudag en Heimir vill fá liðsstyrk áður en félagaskiptaglugginn lokar.
„Við erum að leita að manni í fremstu stöðurnar. Á vængjunum eða fremst á miðjunni," sagði Heimir.
Að sögn Heimis eru FH-ingar að leita erlendis að leikmanni.
Athugasemdir
