„Hann er byrjaður að æfa en ekki með liðinu. Við eigum von á því að hann verði klár á æfingu með liðinu á miðvikudaginn svo hann ætti að vera klár í fyrsta leik gegn Þrótti," sagði Heimir Guðjónsson, þjálfari FH, við Fótbolta.net í dag.

Kristján Finnbogason hefur staðið vaktina í síðustu leikjum hjá FH en hann tók hanskana aftur fram í haust eftir að hafa ætlað að hætta í haust.

Kristján verður 45 ára í þarnæstu viku en hann ætlar að vera til taks með FH-ingum í sumar.

„Stjáni er alltaf klár. Benjamin Button, hann er ultra fit. Ég talaði við hann og það var ekkert mál að fá hann til að koma og hjálpa okkur. Hann verður í þjálfarateyminu í sumar og mun aðstoða okkur ef þess þarf," sagði Heimir.